სოციალური საწარმო მარნეულში

ინტერნეტსა თუ ტექნიკაზე არათანაბარი ხელმისაწვდომობის გამო ბევრი მოსწავლე დარჩა განათლების მიღმა. ამავდროულად რეგიონში ხშირია სკოლის მიტოვება ნაადრევი შრომისა თუ სხვა ფაქტორების გამო. პროექტის განხორციელება ხელს შეუწყობს მოსწავლეთა დაინტერესებას სამეწარმეო საქმიანობით, შესძენს მათ შესაბამის უნარებს და გაუჩენს სურვილს, რომ მეტი დრო გაატარონ სკოლაში. გვსურს, გამოყოფილი ფინანსური რესურსით შევიძინოთ სხვადასხვა პირველადი ნივთები (ნაჭრები, ფერადი ძაფები, მძივის მარცვლები, აკრილი, ხელსაწყოები და ა.შ.), რომლისგანაც ეტაპობრივად დავამზადებთ ეკომეგობრულ ჩანთებსა და სხვადასხვა ნივთებს. სოციალური მეწარმეობის პროექტში ჩართული მონაწილეები პარალელურად გაივლიან ტრენინგებს როგორც ნივთების დამზადების, ასევე სოციალური მეწარმეობის მიმართულებით. სკოლას მოხალისეობრივად ესტუმრებიან ტრენერები, რომლებიც მოსწავლეებს ასწავლიან: როგორ დაამზადონ მარტივად ლამაზი ნივთები, როგორ გახადონ მათი იდეა ცნობადი, როგორ დაუკავშირდნენ სხვადასხვა კომპანიებს და ა.შ.